Pasambahan Mantra Minang

PAMBUKAAN KATO

                                                                       

Assalammualaikum Dunsanak Kasadonyo,.....!

Paratamo sakali, marilah kito panjatkan puji syukur kahadirat Allah SWT, sahinggo di hari nan bak nagko, kito masih diberikan rahmad untuak bisa basuo. Sarato salawat bairiang salam kito hadiahkan untuak aruah Bagondo Rasulullah Nabi Muhammad SAW, yang lah bajaso mambao umaik dari alam kegelapan ka arah yang tarang bandarang saparati yang lah samo dirasoan saat kini.

Kapado Angu Niniak Mamak, Alim Ulama, Cadiak Pandai, Bapak, sarato Kakak, maafkan kami jikok pado akhirnyo talompek kato, dodorong langkah, tajambauan tangan. Sasungguahnyo kami balun lah baumua satahun jaguang, darah balun satampuak pinang, aka balun, pandapek pun kurang. Untuak itu, kami takua-kan kapalo nan satu, basusun jari nan sapuluah, mintak maklum pado kasadonyo.

Jikok ado parangai, kurenah dan tabiat nan indak pado tampeknyo, kami pun jo hati suci –muko nan janiah mintak ditagua, sarato dibari patunjuak. Karano nan ado di kami indaklah sabanyak nan di tuan, hanyo sebeang-sebeangnyo sajo.

https://pusatbahasaalazhar.files.wordpress.com

Yang mano pado rubrik nangko, izinkan kami mancubo manyingkok “Pusako Lamo Minangkabau” tantang rahasio alemu pangajian sagalo nan ado, dibungkuih jo ramuan ubek, taqwil mimpi, garak, hinggo dapek dipakai dalam hiduik sahar-hari. Satidaknyo nanti bisa dipakai untuak mamaliaro sanak saudaro, keluarga, tatkalo dibutuhkan.

Bak kato guru-guru juo, jikok tasasak kijang ka rimbo, barulah batengganglah ka alemu pangajian, sarato basarah diri ka nan kuaso. Sakali-kali bukan batujuan basifat sombong, kianat, lanco aniayo pado urang nan banyak, karano itu sangek dilarang manuruik pangajian Islam agamo kito.

Untuak labiah jalehnyo, kami akan sajikan sabagian rahasio tantang mantra, ramuan, panangka :

PAKAURAN MAMBAKA KUMAYAN

PAGA DIRI

GAYUANG

TINGGAM PARMAYO

SIJUNDAI

ASIK LUKAH

SIBILAH LANTAI

PALASIK

TUJU GALANG-GALANG

TAQWIL MIMPI

RAMUAN UBEK

PANGAJIAN TUBUAH JO TARIKAT

KAJI KA MATI

KAJIAN ROH DAN NYAWA

KAJIAN TABANG BANGKAI

Sarato lainnyo barang sado ado..

     *** SELAMAT  MENIKMATI  RUBRIK  INI,   BABAGI  PUSAKO  LAMO  KA  UNTUAK  JADI P AKAIAN ***