Pantun Bagarah

Dek sero makan jo cancang

ndak sadar rumah kanai maliang
mangalah duduak di ateh pancang
beko sarupo jo ayam guliang

Tangah malam urang basaluang
Basuluah di ateh rumpuik
Ambiek salumuik lalok bagaluang
Bulieh bakaruah usah takantuik

Kabek ayam di ateh lantai
Ayam di kabek jo basi rantai
Yo sero makan di pantai
Sambalado jo uwok patai

Sajak barangkek si anak rajo
Pai nyo malapeh si dayang
Sajak mato dek rabun sanjo
Lah tatuka ameh jo loyang

Baruak gilo mamanjek karambia
Siamang buruak di dalam rimbo
Alah lamo ambo bapikia
Alun jo salasai pantun ambo

Juluak jo galah buah kuini
Buah tomaik di ateh lantai
Dimanolah posisi uni kini?
Tulihlah alamaik kiriman patai

Usahlah sanak ka kandang kudo
Beko kanai sipak duo jo tigo
Klu sanak indak picayo
Maronggoklah dakek ikua kudo

Di ateh paga ayam bajejer
Bakukuak tando ari ka siang
Lamak bana rasonyo burger
Alun sa lamak gulai jariang

Rang gadih ka tapi pantai
Ka pantai mambasuah kaki
Coitu bana lamaknyo patai
Nasi dimakan nan jo baki

Rang taratak pambuek kapa
Mamakai pancang kayu kamper
Lah sajak tingga di eropa
Tantu lah batuka randang jo burger

Anak ayam pandai baranang
Patah kaki'o dek buayo
Asa di rumah adiek sayang 
Bialah uda nan bakarajo

Takan kana forum nan rancak
Tagalak ambo diateh oto
Jan ditanyo manga kok galak
Kito sadonyo ko nana lah boco

*** Disadur dari: http://www.lodupi.com/2013/05/pantun-lucu-minang.html